სახლი

კარგი ადგილია სახლი. როცა იცი , რომ გაქვს ადგილი, სადაც შეგიძლია დატვირთული დღის შემდეგ მიხვიდე ან უქმე დღეს გვიანობამდე იძინო.

მაქვს ოთახი, სადაც მომდის კრეატიული იდეები და აზრები. სადაც სიზარმაცე მძლევს ხოლმე და რამდენ ასეთ იდეას ვტოვებ დღის სინათლის გარეშე, არავინ იცის. ასევე ოთახი ერთადერთი ადგილია, სადაც ტირილი შემიძლია. თუმცა კარგა ხანია, აღარ მიტირია. ოთახში ყოველთვის დევს სკოჩი. ყოველ წუთს ვცვლი ინტერიერს და ხან რას ვაკრავ, ხან რას. ასევე მქონდა ფურცლები, ვინც ოთახში შემოდიოდა, აფიქსირებდა, რომ აქ იყო და თან თარიღს აწერდა. ერთ წელიწადში 70მდე სტუმარი მყავდა. დიდი ხანია ეს ფურცლები ჩამოვხსენი, აღარ მომინდა.

მიყვარს ჩემი სახლი. საკმაო ფართობი მაქვს იმისთვის, რომ გაფრენის მომენტებში აქეთ–იქით ვირბინო, მეთლახზე წინდებით ვისრიალო და სანამ რემონტი დამთავრდება, კედლებზე ვხატო. რამხელა ოპტიმიზმია, როცა გასარემონტებელ სახლშიც კი ვპოულობ პოზიტივს 😀
განაგრძეთ კითხვა

Advertisements

ალექსი და “მებრძოლთა კლუბი”


ვინ არის ალექსი?
ალექსი გოგოა. სამწუხაროდ არც თმის ფერი და არც გარეგნობა მახსოვს კარგად, თორემ ამ დეტალებით აღწერა უკეთესი გამოვიდოდა. მოკლედ, ეს ალექსი უცებ ჩნდება მე–16 სართულზე, ანას ოთახში და იმის მერე ცხოვრობს იქ ისე, რომ ფეხებზე ჰკიდია ყველა და ყველაფერი, ანას გარდა.
დადიან ეს გოგოები ერთად, ჭამენ, სვამენ, იცინიან ერთად და ა.შ. მოკლედ, ყველაფერს ერთად აკეთებენ. თავიდან ანა გაოცებულია, მაგრამ მალევე ეჩვევა ალექსს და ყველაფერი იმაზე კარგად მიდის, ვიდრე წარმოედგინა.
გადის სამი წელი და ალექსი მიდის. დაბრუნების პერსპექტივით. ანა კი 30 დღის შემდეგ აღმოაჩენს, რომ ალექსი მხოლოდ მისი წარმოსახვა იყო.
Fight Club
1 თვის წინ წავიკითხე წიგნი. მომეწონა. იმდენად იყო ხალხში გავრცელებული, რომ მეც მომინდა მცოდნოდა რა ეწერა ამ წიგნში. შემდეგ ფილმსაც ვუყურე(ჰო, არ მქონდა აქამდე ნანახი). გუშინწინ ფილმს მეორედ ვუყურებდი და უცებ რაღაც გამახსენდა.
ყუთში ძველი რვეული ვნახე, რომელსაც ზემოდან აწერია “Alex”.
“ალექსის” 50%–ზე მეტი “მებრძოლთა კლუბის” ასლია.
კარგად ვიცი, რომ ეს უბრალო დამთხვევაა. ვიცი, რომ 2010 წელს(14 წლის ასაკში) არ შემეძლო დამეწერა იმ დონის მოთხრობის ნახევარიც კი, როგორიც “მებრძოლთა კლუბია”, მაგრამ 2 დღეა ამ დამთხვევაზე ვფიქრობ და მაინტერესებს: როგორ?