3 წელი


3 წელი დიდი დროა. იმდენად დიდი, რომ ძალიან ბევრი რამის შექმნას და გადაფასებას ასწრებ ადამიანი. იმდენად ბევრის, რომ შემდეგ ნახევარი აღარ მოგწონს. იმდენად აღარ მოგწონს, რომ საერთოდ ანადგურებ. და იმდენად ბევრს ფიქრობ მომავალზე, რომ წაშლილი პოსტები საერთოდ გავიწყდება.

ასე და ამგვარად, დღეს ჩემი ბლოგი 3 წლის გახდა. ამ ხნის განმავლობაში სამას პოსტზე მეტი დავწერე, თუმცა აგვისტოს ერთ მშვენიერ დღეს დიდი წმენდა მოვაწყვე. ახლა მათი რაოდენობა ერთ ასეულზე ნაკლებია, თუმცა, როგორც ამბობენ, მთავარი ხარისხია და არა რაოდენობაო.
განაგრძე კითხვა

Advertisements

სახლი

კარგი ადგილია სახლი. როცა იცი , რომ გაქვს ადგილი, სადაც შეგიძლია დატვირთული დღის შემდეგ მიხვიდე ან უქმე დღეს გვიანობამდე იძინო.

მაქვს ოთახი, სადაც მომდის კრეატიული იდეები და აზრები. სადაც სიზარმაცე მძლევს ხოლმე და რამდენ ასეთ იდეას ვტოვებ დღის სინათლის გარეშე, არავინ იცის. ასევე ოთახი ერთადერთი ადგილია, სადაც ტირილი შემიძლია. თუმცა კარგა ხანია, აღარ მიტირია. ოთახში ყოველთვის დევს სკოჩი. ყოველ წუთს ვცვლი ინტერიერს და ხან რას ვაკრავ, ხან რას. ასევე მქონდა ფურცლები, ვინც ოთახში შემოდიოდა, აფიქსირებდა, რომ აქ იყო და თან თარიღს აწერდა. ერთ წელიწადში 70მდე სტუმარი მყავდა. დიდი ხანია ეს ფურცლები ჩამოვხსენი, აღარ მომინდა.

მიყვარს ჩემი სახლი. საკმაო ფართობი მაქვს იმისთვის, რომ გაფრენის მომენტებში აქეთ–იქით ვირბინო, მეთლახზე წინდებით ვისრიალო და სანამ რემონტი დამთავრდება, კედლებზე ვხატო. რამხელა ოპტიმიზმია, როცა გასარემონტებელ სახლშიც კი ვპოულობ პოზიტივს 😀
განაგრძეთ კითხვა

კადრები


ადამიანის თვალი წამში 25 კადრს აფიქსირებს: 24 ცხადად ამახსოვრდება, ის ერთი კი ქვეცნობიერში მიდის. ახლა ღამის პირველი საათია და ძალიან მეზარება, თორემ გამოვთვლიდი 17 წლის და 9 თვის განმავლობაში რამდენი ოცდამეხუთე კადრი დაილექა ჩემ ტვინში. ძალიან საინტერესო სანახავი იქნებოდა ამ კადრებით აწყობილი ფილმი. წარმოიდგინეთ, ადამიანის სიკვდილის შემდეგ ავიღებდით მის ტვინს, ამოვკრეფდით ყველა ოცდამეხუთე კადრს , თანმიმდევრობით დავალაგებდით და გამოვიდოდა ერთი დიდი სრულმეტრაჟიანი ფილმი. imdb-ზე ახალი კატეგორიაც კი გაიხსნებოდა ამ ფილმებისთვის 🙂

მე ადამიანების იმ კატეგორიას მივეკუთვნები, რომლებიც მიიჩნევენ, რომ მათი ცხოვრება ძალიან მნიშვნელოვანი რამაა. ამ მიზეზით მაქვს დღიურები და ჩანაწერების რვეულები, ბლოგი და უამრავი ფოტო. ამ ბოლო დროს ძალიან კარგი რაღაცები ხდება; იმდენად კარგი, რომ თითქმის ყველანაირ ცუდ ამბავს ვიკიდებ.
განაგრძეთ კითხვა

ჩემი ბლოგი 2 წლისაა!

The WordPress.com stats helper monkeys prepared a 2012 annual report for this blog.

Here’s an excerpt:

4,329 films were submitted to the 2012 Cannes Film Festival. This blog had 17,000 views in 2012. If each view were a film, this blog would power 4 Film Festivals

Click here to see the complete report.

1ელ იანვარს ჩემი ბლოგი ორი წლის გახდა. არ ვიცი, ეს ბევრია თუ ცოტა, მაგრამ ის ვიცი, რომ ამ 2 წლის განმავლობაში ძალიან შევიცვალე მე და ჩემთან ერთად ჩემი ბლოგიც გაიზარდა. 14 წლის ვიყავი , ბლოგის გაკეთების იდეა რომ მომივიდა თავში, ახლა კი 1 თვეში უკვე 17ის ვხდები. განსხვავდება 14 წლის და 17 წლის ბავშვის აზრები, მაგრამ მაინც დამრჩა რაღაც ძველი.
მინდა, რომ როგორც მინიმუმ, კიდევ 1–2 წელი გავძლო. ბლოგი უკვე ნარკოტიკია ჩემთვის და facebookის შემდეგ wordpressის გვერდს ვხსნი. მინდა, რომ უფრო ხშირად და უფრო კარგად ვწერო. გრამატიკულ შეცდომებს ცოტას ვუშვებ და წელს მინდა, რომ საერთოდ აღარ დავუშვა. მაინც, ნახევარ წელიწადში უკვე აბიტურიენტი ვიქნები :დ
სტატისტიკის ნახვა ზემოთ მითითებულ ლინკზე დაჭერით შეგიძლიათ. აშკარა პროგრესი მაქვს წინა წლის შემდეგ. დიდი მადლობა ყველას, ვისაც კი ოდესმე 1 კომენტარი მაინც დაუწერია ჩემს ბლოგზე, თქვენ გამოა, რომ ეს ბლოგი კიდევ არსებობს ❤

ბედნიერი ახალი წელი!

გვირილას

12 სექტემბერი იყო, კარგად მახსოვს… მატარებელში ვიჯექი, შენ არ ვიცი სად იყავი. ფეისბუქზე დაგიტოვე შეტყობინება, დაბადების დღე როდის გაქვს მეთქი. გაგეცინა, ეგ რაში გაინტერესებსო )) რაში მაინტერესებს და, ისე , უბრალოდ, ეგეთი კითხვები მაწუხებს–მეთქი. არადა, 12 სექტემბერს გამიჩნდა იდეა, რომ ბლოგერისთვის, რომლის პოსტებიც იმ პერიოდში ყველაზე მეტად მომწონდა, დაბადების დღე პოსტით მიმელოცა ^_^
აუ, 17 მარტამდე რა მოიცდის–მეთქი… მას შემდეგ დიდი ხანი გავიდა და დღეს გამახსენდა, რომ პოსტი მქონდა დასაწერი…
შენ ვინაობა გაგვიმხილე, რაც რაღაც მხრივ, მეწყინა. ჩემთვის ყოველთვის გვირილად დარჩები(ალბათ :დ).
დიდი პოსტის დაწერას ვაპირებდი, მაგრამ ასე პატარა გამოვიდა. უბრალოდ, არ ვიცი რა დავწერო, ჟურნალისტურ კარიერაში წინსვლები და ბლოგის მეტი მნახველები ხომ ისედაც იქნება ))
მოკლედ, ძალიან მიყვარს შენი ბლოგი და გილოცავ 23–ე დაბადების დღეს ❤
პ.ს. ვინც არ იცნობთ გვირილას მის ბლოგზე გადადით, პოსტები წაიკითხეთ და მიხვდებით, რატომაც მიყვარს ❤

დღეს 1 წლის გავხდი!


Happy Birthday to you
Happy Birthday to you
Happy Birthday Dear misscule.wordpress.com
Happy Birthday to you
დღეს ერთი წელი გავიდა ჩემი პირველი პოსტის გამოქვეყნებიდან და ბლოგსფეროში შემობიჯებიდან ❤
მართალია, ამ პოსტის წერა პახმელიაზე და გაქცეულზე მიწევს, მაგრამ რომ არ დავწერო არ შეიძლება :დ
ეს ჩემი 260–ე პოსტია, ამ წამამდე დაწერილია 838 კომენტარი 6,387 ჰიტი + ამას 4000 ექსპორტამდე=10387 ჰიტი 1 წელიწადში.
და კიდევ უამრავი სტატისტიკა…
მოკლედ, მიყვარს ჩემი ბლოგი. ასე ვფიქრობ, რომ ამ 1 წელიწადში ცოტათი მაინც დავხვეწე წერის მანერა. 3 ბლოგერების ჯგუფში ვარ გაწევრიანებული და 3ვე ძალიან მიყვარს ❤
პ.ს. საშინელი პოსტები მაქვს ეს 2 დღე, მაგრამ მოდით, ახალ წელს დავაბრალოთ :დ
პ.პ.ს. იმედი მაქვს, 2 წლის რომ გავხდები, უფრო კარგი ბლოგი მექნება ^_^

მეც wordpress-ელი ვარ !

დადგა ის დიადი დღეც, როდესაც უნდა მიმეტოვებინა მშობლიური blog.com და 6 თვის და 4 დღის ასაკში , 194 პოსტით და 202 კომენტარით გადმოვსახლდი ვორდპრესზე ^_^
ჯერ კარგად ვერ შევეჩვიე, მითუმეტეს, რომ ყველა პოსტს წაშლილი აქვს კატეგორიები და თეგები, ასევე ვიჯეტები წაიშალა 😦
კიდევ, იქნებ , ვინმემ მითხრათ, როგორ უნდა მივუთითო , რომ ყველა 640 480 მეტი პარამეტრების სურათი 640 480ზე დააპატარავოს???
ჯერ ბევრ რამეში მჭირდება დახმარება, მაგრამ, იმედი მაქვს თავს გავართმევ ^_^
ძმაო, ibitime.blog.com მომენატრები, მაგრამ რას ვიზამთ ^_^